10 octobre, 2005

الجدبة


غادي نجدب
غادي نتحير

غادي ندردك
غادي نفير

أنا لكناوي
ولد لكناوي
خو لكناوي
ديما امشير

أنا فعاركم
ياهل لبلوغات
لاتقلقكم جدبتي
لاتحيركم هضرتي

أنا فحماكم
ياهل الكلمه
ولكلافيي
اتحملوا فلتاتي

يارب سيدنا بلال
اغفرلي زلاتي

3 Comments:

Blogger gnawi said...

سلام خويا المجدوب ومرحباً بك في عالم التدوين الجميل جدّاً فتحير ودردك في مدونتك كما تشاء وتأكد أن هذا لا يزعجني شخصياً لأنني مثلك كناوي بّا هو ميمون أومّي عيشة أوختي ميرة أطلب التسليم وتوكل على ربي الحنين وماعلي إلا أن أرسل لك جوادي لمساعدتك فبسم الله بيهابديت يبدا البادي وعلى نبينا صليت مولاي محمد داويوني داويوني ياولاد المصطفى بجناحكم غطيوني ساداتي الشرفا

11 octobre, 2005  
Anonymous الكناوي said...

السَّلاَمـَــــــة السلامـــــــة السلامـــــــة السلامــــــة
هاد بنادم ولى مقهـــــــور بانـــــت فيـــه العلامـــــة
حتى شُوفـُه وُلىَّ مقـهــور عايمــة عليــه غمامــــــة
كلامــه ولــى محـصــــور حتـــــى ل يــوم القيامـــة
دِيمَـــا رَاحْلْ يَا مْـضـْــرُور سارح ف كلام النَّظَامَــــة
ملي عييتي لقيتي ســــور مبنــي ب حجر الظلامـــة
ها أنت واگف ومحگـــور حــــادر راســــك نعــامـة
ومصيـر بنـادم ك لغـروب غادي ف ظلامه يتهامــى
الهـم وكثــرت الحــــروب قـَـلـُّـــو اليُـــومْ الفهامـــة
حْرُوزَة..وُبْخُورْ..وُسْبُوبْ قتيــــل الخيــــر والفهامة
ولى الفساد والشــــــرور شبابنا عايش ف دوامـــة
الْبـُـوْ يْسْبْــقْ يْرْجّْعـُــــوه والــولد حـْـــدَرْ القــامــــة
أنت عالم كلك ضــــــرور امتــــى تبـــــان الســلامة
انتما بعدا آهياوآه مالــي لاَلَّة عار الله عليكم الغَادْيـَــاتْ
شحــــــــال صبـرتـــــــو طالب ضيف الله الغاديــات
الــــــــرواح صَـــــــدَّ اتْ لــعــقـيـــــــل مـــــــــــــات
شحــــــــــال تَمَــرَّتـُـــــو ف ربـيـعـكــوم خَـرْفْـتـُـــوه
ف أيــــــــام الظــــــــلام كــــــــثـــــــر الـــــمــــــلام
جيــــــت عــاد مشيتــــو مـــــا لــكــــم گــفــيــتــــــو
بكانـــــــــي لحكــــــــــام ف هــــــــــاد العــــــالــــــم
مــــــا لكـــــم تلفتــــــو عـــيــبــكــم ضــرگــتـــــوه klam elghiwane

17 octobre, 2005  
Anonymous Anonyme said...

من بعد المجدوب ما عطانا حد خبار فسدات الصلعة ولا من يشريها يبان يبان مجدوب القرن فالظلام والحال يقول دوق سر المعنى بنغام شدو فالغربال ردوه بندير بنكار وغوات الديب سمعاتو البومة للنسر الجمرة زندات وجا الريخ داها رماد هب الريح وزاد خلاهم فنياب النسر

03 février, 2006  

Enregistrer un commentaire

Links to this post:

Créer un lien

<< Home